Kosova ka nënshkruar Konventën e Lubjanës-Hagës mbi bashkëpunimin ndërkombëtar në hetimin dhe ndjekjen e krimit të gjenocidit, krimeve kundër njerëzimit, krimeve të luftës dhe krimeve të tjera ndërkombëtare.
Sipas MPJD-së konventa është nënshkruar nga ambasadori i Kosovës në Belgjikë, Agron Bajrami, të premten në ambientet e Ministrisë së Punëve të Jashtme, Tregtisë së Jashtme dhe Zhvillimit Ndërkombëtar të Mbretërisë së Belgjikës, pas siç thuhet ‘bartjes së kompetencave të plota tek ai nga ministrja e Punëve të Jashtme dhe Diasporës, Donika Gërvalla-Schëarz’.
“Mbretëria e Belgjikës është shtet depozitar i Konventës së Lubjanës – Hagës mbi bashkëpunimin ndërkombëtar në hetimin dhe ndjekjen e krimit të gjenocidit, krimeve kundër njerëzimit, krimeve të luftës dhe krimeve të tjera ndërkombëtare, ndërsa deri më tash nënshkrimi i saj është bërë nga më shumë se dyzet shtete të tjera”, thuhet në komunikatë.
Qëllimi i Konventës së Lubjanës-Hagës thuhet se është të lehtësojë bashkëpunimin ndërkombëtar në çështjet penale mes shteteve palë, me synimin për të forcuar luftën kundër mosndëshkimit për krimin e gjenocidit, krimeve kundër njerëzimit, krimeve të luftës dhe aty ku është e zbatueshme, krimeve të tjera ndërkombëtare.
