Mbreti Charles lll i ka dërguar një letër urimi presidentes Vjosa Osmani në prag të shënimit të 17 vjetorit të shpalljes së pavarësisë së Kosovës.
Kështu ka bërë të ditur Ambasada e Britanisë në Kosovë nëpërmjet një postimi në Facebook, ku ka publikuar letrën.
Në këtë letër ai është shprehur i kënaqur për lidhjen e fortë mes dy vendeve, si dhe ka thënë se shpreson në bashkëpunimin e tyre për të pasur ndikim pozitiv në ndryshimet klimatike dhe çështjet mjedisore.
“E nderuara Presidente, bashkëshortja ime dhe unë jemi të ngazëllyer që të dërgojmë urimet më të përzemërta për shkëlqesinë tuaj dhe popullin e Kosovës me rastin e veçantë të Pavarësisë. Jam i kënaqur që vendet tona ndajnë lidhje të forta dhe pres që ta forcojmë edhe më tej miqësinë tonë. Shpresoj se kombet tona do të mund të bashkëpunojnë për të pasur ndikim pozitiv në ndryshimet klimatike dhe çështjet mjedisore, të cilat na prekin të gjithëve globalisht. Unë dhe gruaja ime kemi kënaqësinë që t’ju përcjellim urimet tona më të mira për ju dhe të gjithë kosovarët”, thuhet në letrën e publikuar nga Ambasada e Britanisë në Kosovë./teve1.info./
