Një i dyshuar për lëndim të rëndë trupor dhe armëmbajtje pa leje, të shtunën është arratisur nga Pallati i Drejtësisë, pasi i është caktuar masa e paraburgimit në seancë dëgjimore.
Lidhur me këtë rast Policia e Kosovës ka njoftuar se ka arrestuar një person në Prishtinë pasi që i njëjti i kishte ndihmuar të dyshuarit për t’u arratisur.
Pas intervistimit thuhet se me vendim të prokurorit i dyshuari është dërguar në mbajtje.
“Është arrestuar i dyshuari mashkull kosovar pasi që i njëjti i kishte ndihmuar personit tjetër (të dyshuarit mashkull kosovar) që të arratiset pas seancës gjyqësore, i cili tani gjendet në arrati. Pas intervistimit me vendim të prokurorit i dyshuari është dërguar në mbajtje”, bëhet e ditur në raportin 24-orësh të Policisë./teve1.info/
Arratiset nga Pallati i Drejtësisë një i dyshuar pasi iu caktua paraburgimi
