Sipas tij, ky problem nuk ka zgjidhje nga qeveria e tanishme, duke e krahasuar atë edhe me qeveritë e kaluara.
“Vlerësoj që një pagë prej 350 euro edhe bizneset do ta përballonin, dhe nëse ato e deklarojnë vetë se do ta përballonin pagën prej 350 euro ato nuk do të humbin, në fakt do të kalojë barra te qeveria. Qeveria duhet ta ketë të qartë që me këtë pagë minimale nuk mund ta ndalojnë qytetarin për t’u larguar nga vendi. Dhe nëse nuk mund të arrijnë t’i ndalin qytetarët të largohen nga vendi, edhe kjo qeveri si qeveritë e kaluara vetëm tentojnë të bëjnë improvizime, por në fakt zgjidhje e problemit real nuk ka ndodhur deri më tani”, tha Kadrijaj në emisionin “Ditari” në Tëvë1.
Teksa shtoi se nëse bizneset janë të gatshme të ofrojnë pagë minimale më shumë se sa ajo që ka propozuar ekzekutivi, sipas tij i bie që qeveria Kurti nuk ka ide për qeverisje.
“Nëse bizneset kanë gatishmëri të paguajnë pagë minimale më shumë se sa po flitet nga qeveria, atëherë i bie që qeveria nuk ka sens në qeverisje sepse ata duhet të jenë një hap para bizneseve”, tha tutje ai.
Ndërkaq, Xani theksoi se paga minimale ka qenë e nevojshme qysh para 5 viteve, mirëpo tani është mëse e nevojshme pasi që janë rritur çmimet në të gjitha fushat.
Ndërkohë gjatë ditës së sotme ka dështuar miratimi në Kuvend i projektligjit për pagën minimale ku aty nuk përfshihet rritja e pensioneve për veteranët dhe disa kategori të tjera të shoqërisë.
