Policia e Kosovës ka kërkuar ndihmën e qytetarëve për identifikimin e vendodhjes së një personi të dyshuar për zjarrvënie.
Sipas Policisë personi që është identifikuar për kryerjen e kësaj vepre penale është Florent Bunjaku.
Në kërkesën e Policisë për bashkëpunim është publikuar edhe fotografia e tij.
“Njësiti i Hetimeve të Fushë Kosovës, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e vendodhjes së personit që shihet në fotografi. Personi i dyshuar që është identifikuar kërkohet për përfshirje veprën zjarrvënie. Të nderuar, për çdo informatë që mund të çojë në identifikimin vendodhjes së tij kontaktoni policinë në numrin e telefonit: 192 ose [email protected]”, thuhet në kërkesën e Policisë./teve1.info/
