Jusuf Azemi nga Sindikata e Pavarur e Sektorit Privat i ka quajtur gënjeshtra premtimet e partive politike për kompanitë private gjatë fushatës parazgjedhore.
Sipas Azemit kjo dashuri dhe ky respekt i partive politike ndaj punëtorëve do të zgjas vetëm deri të dielën në ora 19:00.
“Për mua është jashtëzakonisht qesharake edhe për Qeverinë e Kosovës por edhe për partitë tjera kur dalin tek kompanitë private edhe iu premtojnë punëtorëve. Këto janë vetëm rrena të tyre sepse kjo dashni ky respect ndaj punëtorëve dhe të tjerëve do të zgjasë vetëm deri të dielën në ora 19:00 dhe pastaj do të vazhdojnë sikurse kanë vazhduar edhe në etapat e kaluara”, ka thënë ai në emisionin “Ditari” në Tëvë1.
