Në kuadër të përgatitjeve për kualifikimet e Botërorit 2026, selektori i Kombëtares së Shqipërisë, Sylvino ka vazhduar ti vëzhgoj nga afër lojtarët që planifikon ti ftoj në grumbullimet e tij.
Së fundmi, Sylvinho në shoqërinë e stafit të tij, Pablo Zabaletas dhe Dorivas, ishin në Angli për ta parë nga afër sulmuesin Anis Mehmeti, ka njoftuar Federata Shqiptare e Futbollit (FSHF).
Ata kanë përcjell ndeshjen e Championshipit ndërmjet Bristol Cityt dhe Blackburnit, të cilën e fituan vendësit me rezultatin 2:1.
Mehmeti ishte startues te Bristol City dhe këtë sezon është njëri prej lojtarëve kyç, ndërsa pritet të ftohet nga Sylvinho në grumbullimin e muajit mars.
Mehmeti këtë sezon ka shënuar 9 gola në kategorinë e dytë të futbollit anglez, ndërsa për Shqipërinë i ka tri paraqitje.
