Kandidati për kryeministër nga radhët e PDK-së ka takuar ish-ambasadorin e OSBE-së, William Wallker i cili gjatë luftës në Kosovë kishte parë nga afër viktimat e Masakrës së Reçakut, ku kishte thënë se ajo çfarë kishte ndodhur atje ishte krim kundër njerëzimit.
Hamza ka thënë se me Walker kanë kujtuar atë kohë si dhe kanë diskutuar për aleancën Kosovë – ShBA.
“Një kafe me ambasadorin William Walker, heroin e lirisë sonë, zëri i të cilit na dha shpresë dhe i hapi rrugë intervenimit të NATO-s. I kujtuam çastet vendimtare të historisë së Kosovës, biseduam për aleancën me SHBA-në dhe për mënyrat sesi qeveria ime do ta forcojë aleancën me Perëndimin. Ambasadorin Walker e ftova që të jetë observues i drejtpërdrejtë i festivalit tonë të demokracisë në këto zgjedhje nacionale, të cilat doemos do ta bëjnë Kosovën ma të mirë”, ka shkruar Hamza.
