Kapitenia e Bashkimit, Aulona Muhadri është shpallur “MVP e Javës” për xhiron e 11-të në Superligën e Kosovës për basketbolliste.
Stinori pranveror te basketbollistet ka nisur javën e shkuar, ndërsa Muhadri ka shkëlqyer në ndeshjen e parë të vitit 2025.
Me 18 pikë, 15 kërcime e 4 asistime, Muhadri udhëhoqi Bashkimin drejt fitores ndaj Prishtinës në duelin e luajtur në Prizren.
Po ashtu, Muhadri ka zënë vend edhe në pesëshen më të mirë, pjesë e së cilës është edhe bashkëlojtarja e saj, Caterrion Thompson që regjistroi 17 pikë e 8 kërcime.
Në ekipin e javës, janë përfshirë Daja Woodard e Pejës 03, Nicole Terry e Penzës dhe Abigal Ogle e Junior 06.
Woodard pati 16 pikë e 14 kërcime në triumfin ndaj Trepçës, Ogle regjistroi 34 pikë, 5 kërcime e 8 asistime në fitoren ndaj Penzës, ekip te i cili u veçua Terry me 40 pikë, 20 kërcime e 10 asistime.
