Kandidati për deputet nga radhët e Partisë Demokratike të Kosovës (PDK), Ardian Kastrati, ka komentuar deklaratat e kryeministrit Albin Kurti që i ka bërë gjatë fushatës për zgjedhjet e përgjithshme.
Kastrati potencoi se gjendja e kryeministrit Kurti është për keqardhje, pasi që sipas tij, ka ardhur në një situatë që duhet të flas “si gjynah” nga posti i kryeministrit.
Sipas Kastratit, Kurti do të flasë vetëm për opozitën dhe të kaluarën, pasi thotë se partia qeverisëse nuk ka program për të ardhmen.
“Është për keqardhje, është gjynah. Unë e kam kundërshtar politik, por me ardhë në këtë gjendje një njeri që ka post të kryeministrit dhe me përdor kësi fjalor, anipse pse ndodhë, shumë e qartë. Ky nuk ka program, ky i ka hi fushatës pa program. Ne e kemi programin, partitë tjera e kanë programin…”, deklaroi Kastrati në emisionin “Këndi i Debatit” në Tëvë1.
Kandidati për deputet theksoi se kryeministri Kurti përgjatë fushatës po flet vetëm për tradhti e me banalitet, ndërsa PDK-ja për programin qeverisës.
“Ky flet për tradhtarë, ne flasim për zhvillimin e qëndrueshëm ekonomik. Ky tha diçka miza në Pejë, ne flasim për siguri e integrim. Ky flet për dhia, ne flasim për zhvillim të qëndrueshëm ekonomik, ne flasim për qendra të kompetencës… ky është dallimi. Pse ky flet kështu? Se i ka pasur 4 vjet jo, por gati 5 me atë mandatin para këtij dhe ky gati e ka barazu Hashim Thaçin me qeverisje efektive”.
Ndërkohë, Kastrati përmendi edhe kohen kur PDK-ja ka qeverisur nën udhëheqjen e Hashim Thaçit, derisa tha se buxhetin nën shumën e dyfishit të VV-së ka arritur të bëjë shtetndërtimin e Kosovës.
“Thaçi prej 2008-tës deri më 2014-tën – 6 vite qeverisje efektive, pa i llogaritur që i kemi pasur koalicionet me partitë tjera, i ka pasur afërsisht 7 miliardë euro, me këtë shumë gati shteti është ndërtuar, që nga 100 njohje, figurë moderne me autostrada, ndërtimi i shkollave – se atëherë ato kanë qenë prioritet. Ndërsa ky për 5 vite i ka diku afër 15 miliardë – dyfishin e atyre të hollave, ku me këto i numëron një urë te Badovcit, një urë në Saradran dhe kjo është përgjigjja – nuk ka çare pa folur kështu, me banalitete, për tradhti”, tha Kastrati./teve1.info/
