Kryetari i Prishtinës, Përparim Rama ka bërë të ditur se të gjitha ekipet përgjegjëse janë angazhuar dhe po punojnë për të siguruar që rrugët të jenë të kalueshme nga reshjet e dendura të borës.
Rama ka bërë apel tek qytetarët që të kenë kujdes të shtuar gjatë lëvizjes dhe të përdorin mjetet e përshtatshme në komunikacion.
“Të gjitha ekipet përgjegjëse janë angazhuar intensivisht dhe po punojnë pa ndërprerje për të siguruar që rrugët të jenë të kalueshme! Megjithatë, reshjet e dendura të borës që po vazhdojnë pa ndërprerje po e vështirësojnë situatën në terren. Lusim qytetarët të tregojnë kujdes të shtuar gjatë lëvizjes, të përdorin mjetet e përshtatshme për kushtet atmosferike dhe të ndjekin udhëzimet e institucioneve kompetente”, ka shkruar Rama./teve1.info/
