Ai ka thënë se pohon edhe njëherë që nuk ka të bëj asgjë me krimet e as akuzat e pretenduara në këtë aktakuzë.
Paraprakisht, gjykatësi i procedurës paraprake, Nicolas Guillou tha se qëllimi i kësaj seance, është t’i lexohen të akuzuarit akuzat e paraqitura në gjuhën që flet, të konfirmojë se e kupton aktakuzën, bindet se të drejtat e të akuzuarit të respektohen, raporton “Betimi për Drejtësi”.
Tutje, gjykatësi tha se Selimi do të informohet se brenda 30 ditësh mund të vetdeklarohet për fajësinë apo pafajësinë, por edhe se të njëjtin deklarim mund ta bëjë edhe gjatë kësaj seance.
Selimi është pyetur nëse ka marrë aktakuzën e konfirmuar të ndryshuar të datës 29 prill 2022, të cilën ai tha se e ka marrë dhe lexuar në tërësi.
Nga sekretarja e gjykatës, më pas i janë lexuar Selimit, akuzat e reja të shtuara nga prokuroria.
Lidhur me akuzat e reja të përfshira në aktakuzë, Selimi ka thënë se i ka lexuar dhe kuptuar dhe se pohon edhe njëherë që ai nuk ka të bëj asgjë me krimet e as akuzat e pretenduara në këtë aktakuzë.
Seanca ka vazhduar me leximin nga ana e gjykatësit Guilloi të të drejtave të garantuara me ligj për Selimin, për të cilat, ky i fundit tha se i kupton të gjitha.
“Më lejoni të deklarohem i pafajshëm sikurse për gjitha pikat tjera të akuzës”, ka thënë Selimi.
