E ardhmja e Casemiros vazhdon të jetë e paqartë, pasi ai mund të largohet këtë muaj nga Manchester United.
Gazetari italian Fabrizio Romano ka zbuluar se Casemiro mund të largohet nga Manchester United këtë muaj, me një lëvizje të mundshme në mes të sezonit në Arabinë Saudite.
Casemiro ka bërë 21 paraqitje në të gjitha garat këtë sezon, por forma e tij vazhdon të jetë problematike.
Ai thjesht nuk është mjaftueshëm i aftë për të ofruar vazhdimësi në elitën e futbollit anglez Ligën Premier.
Fabrizio Romano shtoi se ndërsa skuadrat saudite kanë qenë prej kohësh të interesuara për mesfushorin brazilian, një marrëveshje ende nuk është arritur.
Megjithatë, ai ka deklaruar se Casemiro nuk është më një “i paprekshëm” në Man United dhe se gjithçka mund të ndodhë.
Favoriti numër një për transferimin e mesufshorit brazilian mbetet Al Nassr, pasi prej kohësh kjo skuadër ka dashur ta bashkojë Casemiron me Cristiano Ronaldon.
