Pas largimit të tre basketbollistëve, Sigal Prishtina ka reaguar duke u forcuar me amerikanin Tyrrel Tate.
Skuadra nga kryeqyteti, të premten ka njoftuar se Tate është përforcimi më i ri dhe do të jetë pjesë e ekipit për pjesën e mbetur të sezonit 2024/25.
Tate (196 cm), i bashkohet Prishtinës pas përvojës në Mongoli me skuadrën Miners, te e cila luajti me një mesatare prej 22 pikëve për ndeshje.
Gjatë karrierës, Tate 32-vjeçar, ka luajtur edhe në Meksikë, Katar, Argjentinë, Uruguai, Venezuelë dhe Egjipt.
Gjithashtu, Tate ka qenë edhe pjesë e disa skuadrave në G-League të NBA-së.
Ditë më parë, Prishtina njoftoi se ka ndërprerë bashkëpunimin me Henrik Shirkon, Rashad Williamsin e Eliot Pecin.
