Mbrojtësi i krahut, Elseid Hysaj mund të bëhet me skuadër të re në afatin kalimtar të janarit.
Krahas ekipeve nga Arabia Saudite, interesim për Hysajn së fundmi ka shprehur edhe një skuadër nga Serie A e Italisë.
Mësohet se Lecce tashmë ka kontaktuar skuadrën e Lazios për Hysajn, i cili këtë sezon ka vetëm tri paraqitje apo 99-të minuta lojë në total, si dhe është i gatshëm të ndryshoj ambient.
Duke pasur parasysh pagën e lartë të Hysajt tek Lazio, skuadra e Lecces ka kërkuar huazimin e futbollistit të Shqipërisë deri në fund të sezonit, me opsionin e blerjes së tij në verë.
Në rast se Hysaj i bashkohet Lecces, atëherë do të jetë shok skuadre me Ylber Ramadanin e Medon Berishën, të cilët i ka edhe bashkëlojtarë te Shqipëria.
Hysaj e njeh mirë kampionatin italian pasi para se ti bashkohet Lazios në vitin 2021, ka luajtur edhe për Napolin e Empolin.
30-vjeçari ka kontratë deri në vitin 2026 me Lazion, ekip që nuk e ka në planet e tij mbrojtësin shqiptar.
