Vetëm katër vende evropiane shënuan në tremujorin e parë të vitit 2022 më shumë udhëtarë se në se në tremujorin e parë të vitit 2019, viti para pandemisë.
Rreth 295 mijë udhëtarë kaluan përmes aeroportit të Rinasit në këtë periudhë, gati 40 për qind më shumë se tre muajt e parë të vitit 2019.
Në muajin mars Rinasi shënoi një rekord rajonal: pati më shumë udhëtarë se Aeroporti i Beogradit, aeroporti më i madh në Ballkanin Perëndimor.
Shtimi i destinacioneve të reja dhe veçanërisht fluturimet me kosto të ulët janë arsyeja kryesore e rritjes së numrit të udhëtarëve.
Nga Rinasi sot fluturohet direkt në 50 qytete në botë. Për herë të parë Shqipëria është e lidhur direkt thuajse me të gjitha kryeqytetet europiane: Parisin, Londrën, Romën, Berlinin, Brukselin, Vjenën, Madridin, Gjenevën Stokholmin apo Varshavën. Mund të fluturohet në vende turistike si Nisa, Verona, Dubai.
Në shumë destinacione udhëtohet me kosto vetëm dhjetëra euro. Dhe mijëra qytetarë po përfitojnë duke planifikuar pushime që më parë nuk kishin mundësi t’i bënin.
Heqja e kufizimeve të COVID-it në botë, çmimet e ulëta të fluturimit dhe fluturimet direkte në shumë destinacione turistike pritet të sjellin ndoshta vitin me numrin më të lartë të turistëve shqiptarë në botë./euronews.al
