Edhe një çerdhe publike iu është shtuar qytetit të Prizrenit, konkretisht në lagjen “Ortakoll”.
Kështu ka bërë të ditur ministrja e Arsimit, Arbërie Nagavci.
“Çerdhe me kushte infrastrukturore moderne, me ambiente të ngrohta për më të dashurit tanë, fëmijët. Ky objekt që përuruam sot është investim i MASHTI-t në vlerë 563,758.40 euro dhe ka kapacitet për 160 fëmijë”, ka shkruar Nagavci në Facebook.
Ajo ka bërë të ditur se pas Prizrenit, në Malishevë do të inaugurohet një tjetër çerdhe.
“Do të përurojmë shkollën në fshatin Dragobill për të vazhduar më pas me vendosjen e gurthemelit për ndërtimin e çerdhes në fshatin Bellanicë”, bëri të ditur ajo mes tjerash.
