Policia e Kosovës ka njoftuar se në rajonin e Ferizajt në dy raste të ndara, në Ferizaj dhe në Shtime policia ka ndaluar dy persona për armëmbajtje pa leje.
I dyshuari për armëmbajtjen pa leje është L.S i moshës 17 vjeçar, tek i cili është gjetur një armë zjarri.
“Me datën 20.12.2024, rreth orës 11:40 kemi pranuar një informatë se një person posedon me vete armë zjarri dhe është duke qëndruar me një kafiteri. Pjesëtarët e Njësisë së Reagimit të Shpejtë në rroba civile menjëherë janë nisur në atë drejtim dhe kanë hasur personin L.S (M/K) i moshës 17 vjeçar, tek i cili është gjetur një armë zjarri ( pistoletë)”, thuhet në njoftimin e policisë.
Ndërsa, rasti tjetër ka ndodhur në Shtime ku të dyshuarit E.S i moshës 26 vjeçar i është gjetur një armë zjarri.
“Me datën 20.12.2024, rreth orës 17:30 gjatë patrullimit policët e stacionit në Shtime kanë ndaluar një veturë me targa vendore dhe gjatë kontrollimit të veturës dhe personave, tek i dyshuari E.S (M/K) i moshës 26 vjeçar është gjetur një armë zjarri (pistoletë) dhe i dyshuari është shoqëruar në stacionin e policisë”, thuhet ndër të tjera./teve1.info/
