Gjykata Speciale ka arrestuar sot Fadil Fazliun, vëllain e dy dëshmorëve të kombit, Bahri e Fahri Fazliut.
Lajmin e ka konfirmuar djali i tij, Fahri Fazliu në një postim në Facebook.
”Të nderuar miq, shokë, dashamirë dhe kolegë!Sot, paradite rreth orës 8:00 të mëngjesit para banesës së tij kanë arrestuar babain tim, Fadil Fazliun, luftëtarin e UÇK-së, vëllain e dy heronjve të kombit, Fahri e Bahri Fazliu. Me urdhërë të Dhomave të Specializuara të Hagës është arrestuar dhe pritet të dërgohet për në Hagë. Ballëhapur, kokëlart dhe gjithmonë krenar me të kaluarën tonë të lavdishme! Krenar me ty Bablok”, ka thënë ai.
Ndryshe, sot është arrestuar edhe ish-kryetari i Malishevës, Isni Kilaj dhe Ish-shefi i AKI-së, Bashkim Smakaj.
Tëvë 1 ka dërguar pyetje edhe të Zyra e Prokurorit të Specializuar për të marrë vesh mbi arsyen e arrestimit të tyre por deri në momentin e publikimit të tekstit s’ka marrë përgjigje.
