E shefja e Politikës së Jashtme të Bashkimit Evropian, Kaja Kallas nuk arriti që dje t’i ulë ballë për ballë liderët e Kosovës dhe Serbisë. Edhe pse ky nuk ishte qëllimi kryesor, Kallas u takua ndaras me kryeministrin e Kurti dhe presidentin serb Vuciq. Sipas Kurtit, kushtet janë të njëjta pa dorëzim te Milan Radojciqit s’ka takim trepalësh. Me këtë qëndrim të Kurtit nuk pajtohen njohësit e politikës në vend.
Kryediplomatja e re e Bashkimit Evropian i bëri bashkë në një objekt në Bruksel liderët e Kosovës dhe Serbisë një ditë më parë.
Megjithatë, Kaja Kallas nuk arriti që Albin Kurtin dhe Aleksandar Vuçiqin t’i ulë në një tavolinë.
Ndonëse ky nuk ishte qëllimi kryesor i prezencës së tyre atje, i pari i Qeverisë së Kosovës tha se kushtet për takim mbesin të njëjta.
E këtë kusht të Kurtit, si pjesë të fushatës zgjedhore po e sheh Blerim Canaj.
Për Canaj, kjo qasje do të ndërrojë shumë shpejt.
Edhe pse tema nuk ishte dialogu në mes dy vendeve, u kërkua normalizimi i marrëdhënieve.
Madje, me Kallasin u diskutua edhe çështja e sulmit të Ibër Lepencit dhe sulmit terrorist të 24 shtatorit në Banjskë.
Për profesorin universitar, Nexhmedin Spahiun këto diskutime janë të nevojshme.
Gjatë këtij takimi, kryediplomatja kërkoi nga Serbia që të vendosë sanksione edhe ndaj shtetit të Rusisë.
