Qeveria e Kosovës ka mbajtur një mbledhje të mërkurën, ku ka miratuar nismat për amendamentet e marrëveshjes financiare mes Kosovës dhe Bashkimit Evropian, për programet IPA 2017, 2018 dhe 2019.
Në komunikatën e Qeverisë u bë e ditur se janë aprovuar vendimet për të kërkuar nga presidentja Osmani për autorizim ndaj zëvendëskryeministrit Besnik Bislimi, për nënshkrim të amendamenteve.
“Miratuar Nismën për ‘Amendamentin Nr. 2 të Marrëveshjes Financiare ndërmjet Republikës së Kosovës dhe Bashkimit Evropian për programin IPA 2017, pjesa e parë’. Miratuar Nismën për ‘Amendamentin Nr. 3 të Marrëveshjes Financiare ndërmjet Republikës së Kosovës dhe Bashkimit Evropian për programin IPA 2018’. Miratuar Nismën për ‘Amendamentin Nr. 1 të Marrëveshjes Financiare ndërmjet Republikës së Kosovës dhe Bashkimit Evropian për programin IPA 2019, pjesa e parë
-Aprovuar vendimin për të kërkuar nga Presidentja e Republikës së Kosovës dhënien e autorizimit Zëvendëskryeministrit të Parë për Integrim Evropian, Zhvillim dhe Dialog, Besnik Bislimi, për nënshkrimin e “Amendamentit nr. 3 të Marrëveshjes financiare ndërmjet Republikës së Kosovës dhe Bashkimit Evropian për programin IPA 2018”, thuhet në komunikatën e Qeverisë.
Muaj më parë, Bashkimi Evropian ka aprovuar agjendat e reformave për Kosovën dhe katër shtetet e tjera të BE-së, që janë kusht për përfitime nga pakoja 6-miliardëshe. Prej tyre, 882 milionë euro do t’i takojnë Kosovës./teve1.info/
