Presidenti i Shqipërisë, Bajram Begaj, në 80 vjetorin e lindjes së ish-presidentit të Kosovës, Ibrahim Rugova, ka thënë se ai ishte president i rrallë që ka parë gjithmonë nga Perëndimi për ardhmërinë.
Sipas tij koha ka dëshmuar vlerat e Rugoves si burrë shteti për të cilat është shprehur se kanë nevojë gjithmonë.
“Si sot 80 vite më parë Kosova lindi Presidentin e rrallë e vizionar që pa gjithmonë nga Perëndimi për ardhmërinë. Koha dëshmoi vlerat e tij si burrë shteti për të cilat kemi nevojë sot e përgjithmonë. Të gjithë shqiptarët do ta kujtojnë gjithmonë me nderim ditëlindjen e Presidentit të Përjetshëm Dr. Ibrahim Rugova”, ka shkruar ai në Facebook./teve1.info/
