Të premten në zyrat e Federatës së Futbollit të Kosovës, është tërhequr shorti për rrethin e parë të Kupës së Kosovës në futboll apo 1/16 e finales.
Ballkani do ta nis mbrojtjen e këtij trofeut në Pejë, ku do të përballet me Rilindjen 1974, ekip që bën gara në Ligën e Parë.
Dueli me interesant i këtij raundi, do të jetë ai ndërmjet Gjilanit dhe Lirisë së Prizrenit por edhe ai mes Trepçës ’89 me Suharekën.
Prishtina luan me ekipin e ligës së katërt, Top Futbolli kurse Dukagjini ka përball ekipin e ligës së tretë, Dardania Qyshk.
Ferizaj luan në shtëpi kundër Ramiz Sadikut derisa në udhëtim luajnë Malisheva, Feronikeli ’74, Drita dhe Llapi.
Malisheva përballet me Fushë Kosovën, Feronikeli ’74 me Istogun, Drita me Rahovecin dhe Llapi me Flamurtarin.
Ndeshjet do të luhen më 4 dhe 5 dhjetor në stadiumet përkatëse.
