Policia ka njoftuar se viktima e mëngjesin të sotëm në rrugën magjistrale Kaçanik-Hani Elezit është L.K 22 vjeçare.
Siç bëhet e ditur viktima kishte humbur kontrollin mbi automjet dhe ka rënë poshtë rrugës 32 m, në shtratin e hekurudhës .”
“Ekipe të policisë së rendit të stacionit të Kaçanikut, zjarrfikësit dhe ambulanca kanë dalë menjëherë në vendin e ngjarjes. Në vendin e ngjarjes kanë dalë edhe Njësia e Hetimeve të Aksidenteve të Njësisë së Komunikacionit Rrugor të Ferizajt, të cilët pas ekzaminimit të vendit të ngjarjes kanë mësuar se një veturë Nissan, derisa ka qarkulluar në rrugën magjistrale nga drejtimi i Hanit të Elezit në drejtim të Kaçanikut, me të arritur tek vendi i quajtur ‘’Kulla me qeshmë’’, shoferja L.K ( F/K) e moshës 22 vjeçare, dyshohet se për shkak të mospërshtatjes së shpejtësisë së lëvizjes së automjetit, kushteve të rrugës dhe kthesë në të djathtë, ka humbur kontrollin mbi automjet dhe kalon në anën e majtë të rrugës, godet barrierat e rrugës dhe bie poshtë rrugës 32 m, në shtratin e hekurudhës .
Si pasojë e këtij aksidenti L.K ka humbur jetën, vdekja e së cilës është konstatuar në vendin e ngjarjes nga mjekët e Shtëpisë së Shëndetit të Kaçanikut .Në vendin e ngjarjes ka dalë edhe prokurori nga Prokuroria Themelore e Ferizajt dhe me vendim të tij, trupi i pajetë është dërguar në Institutin e Mjekësisë Ligjore në Prishtinë për obduksion, për procedura tjera hetimore”, thuhet në raportin shtesë të policisë.
