Sulmuesi i Kombëtares U21 të Shqipërisë, Cristian Shpendi ka tërhequr interesimin e shumë skuadrave nga Serie A e Italisë pas shpërthimit këtë sezon në Serie B.
Shpendi është pjesë e Cesenas dhe aktualisht është golashënuesi më i mirë në Serie B me 8 gola kurse në total ka realizuar 10 gola në të gjitha garat këtë sezon.
ADVERTISEMENT
Forma e tij ka bërë që hiq më pak se shtatë klube nga Serie A të shprehin interesim për shërbimet e Shpendit.
Ai po kërkohet nga Napoli, Atalanta, Torino e Fiorentina ndërsa në garë për shërbimet e tij mbesin edhe Cagliari, Como e Lecce.
21-vjeçari prej vitit 2021 është pjesë e ekipit të parë të Cesenas, ekip me të cilin ka kontratë deri në vitin 2026 kurse kartoni i tij vlerësohet 10 milionë.
