Kryeministri i Shqipërisë, Edi Rama, ka folur për zgjedhjet që po mbahen sot në Shtetet e Bashkuara të Amerikës.
Ai ka thënë se nuk është duke mbajtur anë as për demokratët dhe as për republikanët.
“Unë nuk jam duke mbështetur askënd, por duke ditur se ajo fushatë elektorale e pafund dhe shumë përçarëse do të përfundojë më në fund, më ndihmon të marr frymë më lehtë”, ka thënë Rama në një intervistë për median italiane “Il Giornale”.
Tutje, duke folur për Bashkimin Evropian, Rama tha se është projekti politik më i bukur në historinë njerëzore, por paplotësimi i tij është një problem gjithnjë e më i madh.
