KEDS ka njoftuar se në një hotel në Prishtinë është zbuluar se është vjedhur energjia elektrike nga pronari i cili kishte anashkaluar njësoret elektrik.
Sipas KEDS energjia elektrike e vjedhur është në vlerë mbi 21 mijë euro.
“Gjatë këtyre ditëve, ekipet e kontrollit të KEDS-it zunë në vepër pronarin e një hoteli në Prishtinë duke e vjedhur energjinë elektrike. Ai, duke anashkaluar njehsorin elektrik, pajisjet hoteliere po i shfrytëzonte në të zezën dhe pa paguar fare për energjinë e shpenzuar. Kur KEDS bëri kalkulimet, doli që ai vodhi një sasi të madhe të energjisë elektrike, që në vlera monetare arrin në 21,050.80 euro . Ai detyrohet t’ia kthejë KEDS-it këtë shumë të parave në kuadër të Rikthimit të Humbjeve – si masë e parë ligjore ndaj tij”, thuhet në komunikatën e KEDS.
Bëhet e ditur se ndaj këtij klienti do të dërgohet rast edhe në gjykatë./teve1.info/
