Njësiti FAST i Policisë së Kosovës ka arrestuar një shtetas të Maqedonisë Veriore, i cili ishte në kërkim ndërkombëtar.
Ai është arrestuar të hënën në një aksion të zhvilluar në Ferizaj.
“Më datë 14.10.2024, në qytetin e Ferizajt, Drejtoria për Bashkëpunim Ndërkombëtar Policor e PK-së, përkatësisht njësiti FAST, e mbështetur edhe nga njësia për hetimin e narkotikëve në Ferizaj, kanë zhvilluar një operacioni të koordinuar policor ku është bërë arrestimi i një shtetasi nga Maqedonia e Veriut me inicialet H.F., (viti i lindjes 1974), i cili ishte i kërkuar me urdhër arrest ndërkombëtar nga Republika e Maqedonisë se Veriut për vuajtën e dënimit prej 6(gjashtë) viteve burgim”, thuhet në komunikatën e PK-së.
Pas kompletimit të procedurave, me aktvendim të Prokurorisë Speciale i dyshuari dërgohet në ndalim policor për 48 orë për të vazhduar me procedurat tjera ligjore. /teve1.info/
