Kryetari i Aleancës për Ardhmërinë e Kosovës, Ramush Haradinaj, ka deklaruar se me ardhjen e Kurtit në pushtet, Milan Radoiçiq ka arritur të ringjallet dhe të bëhet faktor.
Sipas Haradinaj, ai ka arritur të lidhë marrëveshje me Kurtin dhe të kthehet në një faktor të marrëveshjeve me të.
“Radoiçiqi është i ndjekur nga drejtësia e Kosovës me 2018. U bastis banesa e tij në veri të Mitrovicës. Që atëherë e ka lëshuar Kosovën. Në atë kohë ishte nënkryetar i Listës Serbe. Një njeri i ikur nga Kosova me pamundësi të kthehet më, na u ka ringjall me ardhjen e Albin Kurtit kryeministër. Ka mbërritur të bëhet faktor me ardhjen e LVV në pushtet dhe te Kurtit. Gjate kohës së qeverisjes së Kurtit, pos banesës që e kishte në veri ai ndërtoi një vilë të madhe të bukur në breg të liqenit dhe jo vetëm kaq por arriti të lidhë marrëveshje me Albin Kurtin. Me 2018 i ndjekur nga qeveria Haradinaj, tani Radoiçiq u kthy në faktor të marrëveshjeve me Kurtin”, ka thënë Haradinaj.
Më tej, ai ka akuzuar kryeministrin Kurti se është spiun i Serbisë, pasi siç ka thënë ai ‘nëse më 2018 paska qenë gabim te takohet Radoiçiq i pandjekur nga drejtësia e i papërfshirë në listë të zezë të SHBA, çka është komunikimi me të pas aktakuzës’.
“Kam qenë në këtë seancë s’kam mund me ju besu syve të mi, hera e vetme që i kam pa një parti shqiptare dhe një serbe të bashkohen kundër veteranëve të UÇK. Ne po i gjuhemi në qafë Kusari Lilës me të drejtë se është zbatuese por mos të harrojmë që është vartëse e Albin Kurtit. Kurti është spiun i Serbisë. Nëse më 2018 paska qenë gabim te takohet Radoiçiq i pandjekur nga drejtësia e i papërfshirë në listë të zezë të SHBA, çka është komunikimi me të pas aktakuzës. A ka akt më të rëndë të tradhtisë me u bë bashkë me Listën Serbe kundër UÇK. Ky po lanë borxh. Është i nxënë prej tyre, është spiun i tyre. Më mirë do të ishte të vinte të fliste këtu mos t’ia linte barrën Kusarit. Ne na jepet fotoja e Sveçlës në veri për aso u tregon Rashit Qalaj kur i kanë bastis kur i kanë sjellë gjysmë zhveshur në Prishtinë.. Albin Kurti po na jep fotografi të Sveçles duke bërë showbiz në veri. Të gjithë do të jemi bashkëfajtorë nëse se marrim vesh në kohë. E mbështesim shkarkimin e saj po mendojmë që llogari duhet të japë shefi i saj Albin Kurti”, ka shtuar ai./teve1.info/
