Shefi i Grupit Parlamentar të Partisë Demokratike të Kosovës, Abelard Tahiri, ka deklaruar se Lëvizja Vetëvendosje do të jap përgjegjësi se cilat kërkesa ia kanë përmbush pjesëtarit të BIA-s, Milan Radoiçiqit.
Sipas Tahirit, BIA serbe përmes Radoiçiqit me ndikim te Lëvizja Vetëvendosje e kanë përcaktuar vendimmarrjen në Kuvend.
“Radoiçiqi nuk është thjeshtë një kriminel ordiner, është një person që e ka mbështetjen e madhe të Aleksandër Vuçiq. Kemi mbërritë me një pikë ku BIA serbe, shërbimet serbe përmes Radoiçiqit me ndikim te Lëvizja Vetëvendosje na e kanë përcaktuar vendimmarrjen në Kuvend. Cilat janë çështjet e përbashkëta që këta i kanë shtruar. Edhe më të rëndë e bën fakti që nuk kemi evidencë të votimeve çka kemi votuar në këtë Kuvend. Nuk kemi rekord të votimeve që janë shtyrë prej këtyre akterëve. Ne e dimë që Radoiçiqi na e ka përcaktuar pagën minimale me Mimoza Kusari Lilën. E dimë që Radoiçiq bashkë me LVV i kanë lënë bashkë kategoritë më të ndjeshme të vendit tonë. Milan Radoiçiqi me Mimoza Kusarin e kanë pasur një kandidat të përbashkët. Unë i kërkoj sot prokurorit te shtetit të ketë hetim penal mbi këtë çështje sepse është cenuar siguria kombëtare. Të isha në pozitën e tyre, për besë ndoshta e kisha pas rëndë të vija këtu dhe të ballafaqohesha me një çështje tepër të rëndë, por të vërtetës nuk munden të i ikin. Sot po ikin nga kjo seancë, por nesër nuk kanë me pas të mundur të ikin. Ata kanë me dhënë përgjegjësi, se cila agjendë ka qenë ajo dhe cilat kërkesa i kanë përmbush pjesëtarit të BIA-s, Milan Radoiçiqit”, ka thënë Tahiri.
Ndryshe, deputetët e Lëvizjes Vetëvendosje e kanë bojkotuar seancën e jashtëzakonshme të thirrur nga Partia Demokratike të Kosovës (PDK).
Seanca ishte thirrur për debatin rreth video-incizimeve që janë publikuar nga bisedat mes shefes së Grupit Parlamentar të VV-së, Mimoza Kusari-Lila me kryeterroristin Millan Radojiçiq./teve1.info/
VV bojkoton seancën e jashtëzakonshme të thirrur nga PDK-ja për bisedat Kusari – Radojiçiq
