Ka ndërruar jetë personi i cili u aksidentua mesditën e së premtes në autostradën “Ibrahim Rugova”.
Lajmin për tëvë1.info e ka konfirmuar zëdhënësi i Policisë së Kosovës, Bajram Krasniqi.
Krasniqi ka apeluar që pjesëmarrësit në trafik të kenë kujdes të shtuar gjatë drejtimit të mjetit në kushte atmosferike me të reshura shiu.
“Rreth orës 14:00, policia është njoftuar për një aksident trafiku të ndodhur në autostradë, drejtimi Suharekë-Duhël (km i 39). Në aksident janë përfshirë një veturë dhe një kamion. Si pasojë e aksidentit, sipas ekipit mjekësor, një person është pa shenja jete. Njësitet policore janë duke u marrë me aksidentin. Policia Apelon tek të gjithë pjesëmarrësit në trafik, që të kenë kujdes të shtuar gjatë drejtimit të mjetit në këto kushte atmosferike me të reshura”, ka thënë Krasniqi./teve1.info/
