Mëngjesin e së enjtes, ministrja e arsimit, Arbërie Nagavci, ambasadori austriak, përfaqësues të Agjencisë austriak për Zhvillim, e profesionist nga fusha e arsimit u mblodhën në këtë sallë.
Kjo për të bërë lansimin e programit SHER apo Arsimi i Lartë dhe Hulumtimi i Qëndrueshëm në Kosovë.
Ambasadori austriak, George Schnetzer, e quajti këtë një projekt të rëndësishëm derisa bëri të ditur se Austria është një ndër donatorët më të mëdhenj në fushën e arsimit.
“Po theksoj se kemi dizajnuar këtë program me Ministrinë e Arsimit dhe universitete publike, duke u ndërtuar me rezultate konkrete. Me programin SHER dëshirojmë të kontribuojmë në një arsim të lartë të qëndrueshëm të bazuar në dëshmi në përputhje me fushën evropian të arsimit të lartë. Do të mbështesim intervenimet që do ti konsiledojmë dhe kornizën ligjore, qeverisjen në arsimin e lartë në mënyrë që ta lartësojmë gjithëpërfshirjen në tregun e punës dhe promovu barazinë gjinore”, tha ai.
Kurse Ministrja Nagavci, tha se kjo platformë do të mundësojë reformat në arsimin e lartë.
“Është shumë i rëndësishme jo vetëm për projektin si të tillë, edhe për rikonforimin e bashkëpunimit të shkëlqyeshëm që kemi me pas me Austrinë për dekada tashmë. Ky projekt po vjen si vazhdimësi e viteve paraprake HERAS dhe Erasmus +. Do të jetë e fokusur në politikat e përbashkët që si Ministri i kemi harmonizua në mënyrë që projekti të mundësoi realizimin e synimeve tona si Ministri në reformimin e avancimit në arsimin e lartë”, u shpreh Nagavci.
Para të pranishmëve u dhanë detaje të platforme SHER.
“E kemi një qasje të dalluar, pra nëse me Erasmus+ kemi ofruar autpute specifike këtu do të qasim me reforma në sektorin e arsimit dhe hulumtimit veçanërisht në financimin e bazuar në përformancen kjo është diçka për herë të parë. Është një sfidë kam qenë zhvillimit të programit por jam optimist që mund të përballem me to”, tha Aqim Emurli, udhëheqës i programit.
Mes tjerash këtu u bë e ditur se tri vitet e ardhshme ky projekt do të prekë aspektet thelbësore të arsimit të lartë, ku rezultatet do të jenë të dobishme dhe pozitive.
