Selektori i Kombëtares së Kosovës në futboll, Franco Foda këtë javë do ta bëjë publike listën e lojtarëve të ftuar për ndeshjet e këtij muaji në kuadër të Ligës së Kombeve.
Në fakt, Foda do ta publikoj listën të premten, pjesë e së cilës do të jenë edhe Arijanet Muriq, Edon Zhegrova e Florent Muslija.
Të tre futbollistët ishin përjashtuar nga grumbullimi i muajit të shkuar, pasi sipas FFK-së kishin thyer rregulloren e kombëtares.
Kjo treshe tashmë ka marrë ftesat dhe do të jetë pjesë e grumbullimit të këtij muaji, i cili do të nis muajin tjetër.
Megjithatë, pjesë e listës nuk pritet të jetë sulmuesi Vedat Muriqi që aktualisht po rikuperohet nga lëndimi i pësuar te Mallorca.
Kosova më 12 dhe 15 tetor, do t’i luaj dy ndeshjet e radhës në kuadër të Grupit C2 të Ligës C.
Duelin e parë e luan në udhëtim tek Lituania kurse të dytin në Prishtinë kundër Qipros.
Pas dy ndeshjeve të luajtura në kampanjën e re të Ligës së Kombeve, Kosova ka tubuar tri pikë.
