Kryetari i Aleancës për Ardhmërinë e Kosovës, Ramush Haradinaj ka thënë se protesta studentore e 1 tetorit të vitit 1997 është moment historik .
Ai ka thënë se kjo protestë ishte nisja e një lëvizje për ndryshime të mëdha.
“1 tetori 1997 shënon një moment historik në të cilin rinia studentore dhe profesorët e Universitetit të Prishtinës u bënë simbol i rezistencës ndaj padrejtësive dhe shtypjes ndaj shqiptarëve. Atë ditë, ata sfiduan regjimin shtypës dhe kërkuan të drejtat themelore, duke ndezur kështu flakën e një lëvizjeje që do të çonte drejt ndryshimeve të mëdha. Ky akt guximtar jo vetëm që paralajmëroi një epokë të re, por gjithashtu forcoi vendosmërinë e popullit shqiptar për luftë drejt lirisë dhe pavarësisë”, ka shkruar Haradinaj.
