Ka një javë që po qëndron në Shtetet e Bashkuara të Amerikës.
E të enjten, shefja e shtetit, njoftoi se shtrëngoi duart me presidentin amerikan, Joe Biden.
Krejt kjo në kuadër të një samiti për Ukrainën, që u mbajt në kuadër të javës së nivelit të lartë të OKB-së në New York.
Për këtë, njoftoi vet Osmani në Facebook.
“E nderuar me ftesën e Shtëpisë së Bardhë që t’i bashkohem liderëve të tjerë botëror në samitin e radhës për Ukrainën, i cili kësaj radhe u mbajt në New York, në kuadër të javës së nivelit të lartë të Kombeve të Bashkuara”, tha Osmani.
Ajo po ashtu njoftoi se takoi edhe zyrtarë të tjerë amerikanë.
Por sipas ish-ambasadorit të Kosovës në Katar, këto janë vetëm përshëndetje çasti e jo takime.
“Takime nëpër margjina, ato nuk konsiderohen takime, janë shtrëngime duarsh si je a je mire, dmth më shumë janë biseda formale. Unë kam qenë në këto takime vet, sa isha këshilltar i ministrit Pacolli, kam marrë pjesë në këto takime dhe e di si shkojnë këto biseda e takime”, shprehet Amir Ahmeti.
Ai thotë se më mirë këtë javë në New York, e shfrytëzuan liderët e tjerë të Ballkanit Perëndimor.
Do të thotë prej periudhës kur ka udhëtuar presidentja për në Neë York, fatkeqësisht i ka vetëm dy takime bilaterale, me sulltanin e Bruneit dhe dje më duke me presidentin e Mauritanisë, vetëm më dy homologë është takuar presidentja, ndërsa liderët e Ballkanit Perëndimor që i kam përcjell këtë javë, brenda ditës kanë pasur deri në 7-8 takime vetëm në pjesën e pasdites”, tha Ahmeti.
Vjosa Osmani udhëtoi për në New York më 19 shtator.
