Policia e Kosovës ka dhënë detaje të reja për bastisjen që është realizuar në një bankë dhe në degën e Thesarit të Serbisë në Leposaviq.
Në raportin ditor është bërë e ditur se janë sekuestruar miliona dinarë e dhjetëra mijëra dollarë e euro.
“Lidhur me rastin, më 12.09.2024 njësitet policore kanë kryer kontroll në dy lokacione, nën dyshimin se institucionet financiare kanë kryer veprat e cekura. Gjatë bastisjes janë sekuestruar; 5,772 313.00- dinarë serbë, 57,626.00-dollarë amerikanë, 10,835.00-euro, 2,790.00 franga zvicerane, dy shtëpiza kompjuteri dhe dy DVR të kamerave të sigurisë”, thuhet në njoftim.
Ndërkohë, thuhet se janë sekuestruar edhe disa vula dhe dokumente të ndryshme që theksohet se dëshmojnë operimin e kundërligjshëm të këtyre institucioneve.
“Lidhur me rastin të gjitha veprimet janë kryer në konsultim e koordinim me prokurorin e shtetit”, thuhet në raport.
Dje, zëvendësdrejtori i Policisë për rajonin e veriut, Veton Elshani, ka thënë se aksioni është zhvilluar me urdhër të gjykatës në Mitrovicë të Veriut.
Gjithashtu njoftoi se aksioni është ndërlidhur me ato që u realizuan javën e kaluar për mbylljen e bankave paralele serbe. /teve1.info/
Ekskluzive: Policia me bastisje në bankën paralele serbe në Leposaviq
