Arifi tha se fyerjet që po dëgjohen kohë pas kohë në seancat e Kuvendit do të duhej të zhdukeshin nga fjalori i një politikani mesatar.
“Kjo është gjuhë banale, por ka edhe gjuhë penale e cila përdoret vazhdimisht si tradhtar e kriminel, dhe këto fjalë duhet të zhduken nga fjalori i një politikani mesatar, e mos të flasim për deputet”, tha Arifi.
Madje sipas tij, në një shtet ku funksionon ligji politikani i cili përdor shprehje të tilla do të duhet të paraqiste faktet në Prokurori.
“Një politikan me një peshë të madhe në shoqëri që i përdor këto fjalë si tradhtar dhe kriminel do të duhej që Prokuroria të reagonte menjëherë duke i kërkuar faktet, dhe nëse nuk ka fakte ai duhet të paditet për shpifje menjëherë”, deklaroi Arifi. /teve1.info/
