Shtëpia e futbollit evropian – UEFA, i ka besuar sërish gjyqtarëve nga Kosova për të ndarë drejtësinë në kompeticione të nivelit të lartë.
Genc Nuza do të jetë gjyqtari kryesor në ndeshjen kualifikuese për grupmoshën U21 ndëremjet Sllovenisë dhe Qipros.
Kjo ndeshje luhet të martën prej orës 18:00 në Slloveni dhe i takon Grupit H kualifikues për Evropianin U21 që mbahet vitin tjetër.
Nuzën në këtë përballje do ta ndihmojnë asistentët Besnik Morina e Arbnor Bullatovci, ndërsa gjyqtar i katërt do të jetë Erdall Zasella.
Aktualisht, Sllovenia U21 i prinë grupit me 13 pikë të mbledhura pas 6 ndeshjeve të luajtura dhe vlerësohet favorit përball Qipros U21, ekip që ka tubuar vetëm 2 pikë dhe zë vendin e fundit në tabelë.
Po ashtu, Qipro U21 ka edhe një ndeshje më pak të luajtur se Sllovenia U21.
