Kombëtarja e Shqipërisë do të jetë pa kapitenin Berat Gjimshitin në ndeshjet e këtij muaji në kuadër të Ligës së Kombeve.
Federata Shqiptare e Futbollit (FSHF), të martën ka njoftuar se Gjimshiti është lënduar dhe ka detyruar selektorin Sylvinho të ftoj një mbrojtës tjetër.
“Berat Gjimshiti, për shkak dëmtimi, nuk do të jetë në gatishmëri për dy ndeshjet e ‘Nations League’ kundër Ukrainës dhe Gjeorgjisë. Trajneri Sylvinho ka ftuar në vend të tij Ardian Bajramin, i cili ishte grumbulluar nga Kombëtarja U21”, ka njoftuar FSHF-ja.
Ky është ndërrimi i dytë i detyrueshëm për trajnerin Sylvinho te Shqipëria, e cila të hënën ka nisur grumbullimin për duelet e këtij muaji.
Po ashtu, shkaku i lëndimit, FSHF-ja të hënën ka bërë të ditur se në vend të sulmuesit Armando Broja është ftuar Myrto Uzuni.
Shqipëria të shtunën luan në Ukrainës në Pragë, ndërsa tri ditë më vonë do të përballet me Gjeorgjinë në Tiranë.
Ndeshjet i takojnë Grupit 1 të Ligës B të Ligës së Kombeve, pjesë e të cilit është edhe Çekia.
