Me flamur kuq e zi në duar, po bëhen gati të parakalojnë në sheshet e Podujevës.
Janë këta “Rojet e kohës” të cilët në nder të përvjetorit të të betejës së Tërnavës po kujtojnë rezistencën që bënë ndaj forcave serbe.
Ishin vetë rojet ata të cilët të parët njoftuan për sulmin që ndodhi në fshat, në fund të muajt gusht të vitit 1990.
“Forcat serbe këtë datë herë në mëngjes e kanë sulmu fshatin sepse fshatarët më herët kishin organizuar rojë se viti 1990 ishte një vit tepër i rëndë për shqiptarët. Edhe Tërrnava këtë natë e ka pas roje dhe roja i ka diktuar menjëherë banorët janë organizuar dhe me ato armë që i kanë pas kanë bërë rezistencë”, ka thënë Avdullah Rama, anëtar i shoqatës “Rojet e kohës”.
Se kush ishin këta persona që kontribuuan në sigurinë e shkollave, lagjeve, qyteteve e fshatrave tregon Jashar Krasniqi, i cili tashmë është nënkryetar i shoqatës “Rojet e kohës”.
“Nëpër qytete lagje e fshtarta të organizojëm rojet, këto kujdestari u priten mjaftë mirë nga qytetarët. Pasi fillimit të rojes, qytetarët fituan një siguri për një pushim me të lira. Rojet e kohës kishin për qëllim të kontrolojn cdo hyrje dalje të serbëve në lagje qytete fshatrave gjatë 24 orëve”, ka thënë Krasniqi.
Një nga këta rojtar ishte edhe Shaip Tërnava.
Tërnava tregon për njërin nga momentet se si kishte shpëtuar një nxënëse nga grabitja.
“Me 10 shtator të vitit 1990 pata vetë një rast kur me u dashtë ta bëjë një ndërhyrje një vajzë e shpëtove prej një grabitje edhe në ato momente janë interesuar profesorët dhe me kanë angazhuar kështu që ka pas shumë probleme, por me ndihmën e shokëve”, deklaroi kryetari i shoqatës “Rojet e kohës”, Shaip Tërnava.
“Shoqata “Rojet e Kohës”, në fush-veprimtarinë e saj ka edhe mbrojtjen e të drejtave të njeriut.
