Presidentja e Kosovës, Vjosa Osmani ka pranuar letrat kredenciale nga ambasadorja e re e Mbretërisë së Holandës, Karin Boven.
Në njoftimin e Presidencës thuhet se Osmani ka pritur në takim ambasadoren e re të Mbretërisë së Holandës, Karin Boven, me rastin e dorëzimit të këtyre letrave kredenciale, ku edhe ka potencuar raportet e shkëlqyera bilaterale midis Kosovës e Holandës si dhe ka shprehur përkushtimin e saj për të vazhduar bashkëpunimin e shkëlqyer edhe gjatë mandatit të ambasadores.
Po ashtu, presidentja Osmani ka shprehur mirënjohjen e Kosovës për përkrahjen e vazhdueshme të Mbretërisë së Holandës ndaj Republikës së Kosovës, përfshirë edhe mbështetjen për anëtarësimin e Kosovës në institucionet euroatlantike./teve1.info/
