Mediat e Podgoricës raportuan se në mesazhet kërcënuese thuhej se të gjithë do të vriteshin dhe se i gjithë qyteti do të “mbushet me gjak”.
“Në mjediset e shkollës janë vendosur shumë bomba. Gjithmonë kemi ëndërruar për hakmarrje. Do të hakmerremi, do të vijmë në shkollë. Do të vrasim të gjithë. Askush nuk do të mbijetojë. I gjithë qyteti do të rrjedh gjak”, thuhet në mesazhin kërcënues, shkruan Vijesti
Kryetari i Komunës së Nikshiqit u ka bërë thirrje qytetarëve të qëndrojnë të qetë, duke shkruar në Facebook se “është e tmerrshme që dikush në këtë mënyrë kërcënon jetë njerëzish”.
“Ashtu si në disa shkolla fillore, Komuna e Nikshiqit mori një raport për një bombë të vendosur me kërcënime për të rrezikuar jetën e njerëzve. Ne vepruam menjëherë për të evakuuar njerëzit nga ndërtesa, në bashkëpunim me CB Nikshiq,” tha Kovacevic.
Ai ka thënë se ka dalë i fundit nga godina e Komunës, pasi të gjithë punonjësit janë evakuuar.
“Ne presim që autoritetet të bëjnë pjesën e tyre dhe të shohim se çfarë do të ndodhë më pas. Shpresoj se deri nesër do të marrim informacione se ndërtesa është e sigurt dhe se do të mund të kthehemi në punë,” tha Kovaçeviç.
Në Berane është evakuuar edhe godina e pushtetit vendor.
Kryetari i Komunës, Tihomir Bogavac, ka thënë për “Vijesti” se objekti është evakuuar sipas rekomandimeve të policisë.
Ata janë duke ndërmarrë masa dhe veprime në kuadër të kompetencave të tyre”, tha Bogavac.
Mëngjesin e sotëm janë evakuuar të tri shkollat fillore të qytetit, si dhe tre shkolla të zonës rurale për shkak të emaileve që kanë mbërritur në adresat e shkollave për lëndët plasëse të vendosura.
Në adresën e administratës lokale të Tivatit ka mbërritur edhe raporti për bombën e vendosur në ndërtesën e Komunës.
Ndërtesa u evakuua dhe punonjësve të komunës u tha që të mos vijnë në punë deri në fund të ditës./teve1.info/
