Dita e gjashtë e zjarreve të vazhdueshme, Prevallën e gjeti pothuajse të tërën në tym.
Kjo meqë 95% e zjarrit arriti të shuhej.
Të mërkurën, intervenoi edhe KFOR-i me helikopter nga ajri, por ushtarë të këtij misioni u panë edhe rreth parkut nacional të Prevallës.
Megjithatë, ka ende zjarrfikës në teren që po punojnë 24h rresht.
Tereni i papërshtatshëm ua vështirësoi punën në teren zjarrfikësve.
Për pasojë, u lënduan disa zjarrfikës.
Për çdo ditë, krahë për krahë zjarrfikësve, vullnetarisht doli për ndihmë Almedin Ismaili nga Prizreni.
Banorët e kësaj zone shprehen se nuk patën panik se zjarri do t’i përfshinte pronat e tyre.
Krahas zjarrfikësve të Prizrenit, u angazhuan edhe njësite nga Ferizaj.
