Jeton Zulfaj, këshilltari politik i kryeministrit, Albin Kurti i ka reaguar Komisionerit për Zgjerim të BE-së, Oliver Varheyli, i cili ka kërkuar nga Kosova që të bëjë përparim në themelimin e Asociacionit të Komunave me Shumicë Serbe dhe ta dërgojë në Gjykatën Kushtetuese.
Zulfaj përmes një postimi në rrjetin social „X“, ka thënë se komisioneri Varhelyi dha sugjerim pa e përmendur Marrëveshjen Bazë mes Kosovës dhe Serbisë, teksa shtoi se dialogu nuk është çështje e Varhelyit, shkruan teve1.info
“E pash sugjerimin tuaj, z.Varhelyi për Asociacionin e komunave me shumicë serbe, pa e përmendur Marrëveshjen Bazë të Brukselit, pra njohjen reciproke dhe raportet e mira fqinjësore. Ndoshta është më mirë që të fokusoheni në zgjerimin e BE-së pasi dialogu në Bruksel është çështje e dikujt tjetër”, ka deklaruar Zulfaj në rrjetin social “X”.
Saw your suggestion, Mr. Varhelyi, on ASMM in Kosova, without mentioning the Brussels Basic Agreement, i.e., mutual recognition and good neighborly relations. Perhaps it is better for you to focus on EU enlargement since dialogue in Brussels is someone else’s portfolio.
— Jeton Zulfaj (@JetonZulfaj) July 30, 2024
