Njohësi i sigurisë, Arben Dashevci në emisionin “Ditari” në Tëvë1 ka folur rreth situatës aktuale në veri. Ai ka thënë se situata në veri të Kosovës, është e brishtë, e qetë por me mundësi të tensionimit.
“Situata është në atë stadin e portokalltë që dmth e brishtë, e qetë, por me mundësi të tensionimit, andaj vigjilenca nuk po ka alternativë por ja që edhe këto raste sporadike po ndodhin nganjëherë nga çarqet destruktive, por që nuk do të kenë sukses më në Republikën e Kosovës”, u shpreh ai.
Dashefci theksoi se në aspektin e sigurisë gjithmonë do të hasësh në copëza desktruktive, kriminale e nacionaliste të shtypur ose nxitur që kinste ta mbajnë situatën në tension dhe të shkaktojnë frikë të vogël tek qytetarët lokal.
“Sipas mendimit tim dhe në aspektin e sigurisë këto definitivisht se janë raste të izoluara sepse ti gjithmonë do të hasësh mbas asaj që na ka ndodhur neve me 24 shtator mbas atij sulmi masiv, ku e dimë se çka ka ndodhur sepse e kemi elaboruar, ne aspektin e sigurisë do të gjesh gjithmonë copëza, desktruktive, kriminale, nacionaliste të nxitur ose të shtytur që kinse ta mbajnë situatën në tension dhe të shkaktojnë ndonjë frikë të vogël te qytetarët lokal”, tha ai.
Tutje, njohësi i sigurisë theksoi se Policia e Kosovës ka kapacitete të plota për veprim në tërë Kosovën, edhe matanë lumit Ibër.
Në emisionin “Ditari” në Tëvë1, Dashevci theksoi se në disa raste disa të mitur me stikera kanë gjuajtur me molotov, teksa ka shpresuar që Policia e Kosovës do t’i arrestojë.
“Në disa raste po janë disa të mitur me stikera në anën tjetër po ka edhe disa gjuajte të molotovit, mirëpo unë shpresojë që Policia e Kosovës do t’i kapë, duke pasur parasysh se shumica e kriminëleve e kanë lëshuar Republikën e Kosovës, vlen të theksohet që janë të lirë në Serbi”, ka thënë ai.
