Në Qendrën Korrektuese të Dubravës janë korrë 10 hektarë grurë, ku sasia e tërësishme e grurit nga korrje – fshirjet për vitin 2024 ka arritur 31.800 kg grurë.
Sipas njoftimit nga Shërbimi Korrektues i Kosovës, e gjithë puna nga mbjellja deri te korrja, është kryer nga të burgosurit e kësaj qendre, nën udhëheqjen dhe mbikëqyrjen e Njësisë Ekonomike të Shërbimit Korrektues të Kosovës (SHKK) dhe stafit të Qendrës Korrektuese të Dubravës.
“Rendimenti i prodhuar nga kjo kulturë bujqësore do të përdoret për nevojat e të gjitha institucioneve korrektuese.
Shërbimi Korrektues i Kosovës, përmes punës së Njësisë Ekonomike, synon dita ditës të ndikojë në rehabilitimin dhe ri-socializimin e personave të burgosur, si dhe në uljen e shpenzimeve të buxhetit të SHKK-së”, thuhet në njoftim.
