Avokati, Kadri Osaj ka thënë se është i pakuptueshëm dhe i pa arsyetueshëm dënimi i sh-pjesëtarit të Ushtrisë Çlirimtare të Kosovës, Pjetër Shala, i cili të martën është shpallur fajtor nga Gjykata Speciale.
Osaj ka shpresuar që Pjetër Shala të gjykohet në mënyrë profesionale.
“Është i pakuptueshëm dhe i pa arsyetueshëm, jemi dëshmitarë të një shpallje të një aktgjykimi i cili për mua si në aspektin faktik dhe specifik ligjor është i pakuptueshëm dhe i pa arsyetueshëm për faktin se kam shpresuar që ky trup gjykues në mënyrë profesionale do t`i eviton mangësitë e procedurave paraprake si asaj hetimore të cilat janë të udhëhequra nga kryeprokurori dhe ka bërë një kualifikim të atillë i cili në aspektin ligjor, faktik dhe specifik nuk mundet me u arsyetua”, ka deklaruar Osaj në emisionin “Ditar”, në Tëvë1.
Derisa, Osaj nuk e arsyeton dënimin ndaj Shalës, në asnjë aspekt matematikor, ligjor dhe logjik.
“Të njëjtin gabim nuk e ka evitua edhe gjyqtari i procedurës paraprake dhe e ka konfirmuar të njëjtin aktakuzë. Natyrisht në rastin konkret gjatë shpalljes së aktgjykimit, këtu është dëmtuar Pjetër Shala për faktin se kemi të bëjmë me një vepër penale, gjithashtu do të kemi parasysh se në rastin konkret gjatë shqiptimit të ndonjë sanksioni eventual duhet të merret ligji më i favorshëm, i cili në rastin konkret është dashur me u aplikua, është aplikuar disi në mënyra metafizike, por gjatë llogaritjes si në aspektin matematikor, logjik dhe ligjor, i njëjti nuk mund të arsyetohet”, ka thënë Osaj./teve1.info/