“Për ne po lëkunden themelet e drejtësisë, me këtë udhëzim administrativ, Ministria e Drejtësisë me apo pa dashje po i lëkundë themelet e drejtësisë. Me këtë udhëzim administrativ, Ministria e Drejtësisë po i detyron qytetarët e pafajshëm që ta blejnë të drejtën e tyre”, ka thënë Gashi në emisionin “De Jure” në TëVë1.
Sipas tij, nëse një në qytetar ka fituar një rast në gjykatë për një borxh 5 mijë euro, vendimi i gjykatës nuk mund të realizohet në masën 5 mijë euro, por më pak sepse një pjesë të asaj shume qytetari do të detyrohet t’ia paguajë përmbaruesit. Kjo gjë thotë se është në kundërshtim me vetë vendimin e gjykatës.
“Kjo krijon atë që ne e quajmë pasiguri juridike, kjo shkakton moszbatimin efektiv të gjykimeve gjyqësore, përveç kësaj tashmë ndërmarrjet publike, institucionet publike do detyrohen të ulen me përmbaruesit të bëjnë pazar, përmbaruesi duke qenë një person që është betuar se do të jetë i paanshëm në zbatimin e vendimeve të drejtësisë dhe në zbatimin e dokumenteve të tjera, detyrohet me njërën prej palëve në procedurë me bo pazar me bo marrëveshje. Përmbaruesi faktikisht është gjyqtar dhe gjyqtari i përmbarimit teknik sipas udhëzimeve të Ministrisë po detyrohet me u ulë me bo pazar me njanjën prej palëve për të cilat zhvillohet procedurë dhe këtu shkelet parimi, këtu shkelen të gjitha parimet e drejtësisë, s’ka paanësi, as nuk ka pavarësi, sepse është lëkundur, sepse përmbaruesi po detyrohet me bo pazar. Në çastin kur përmbaruesi ulet me bo pazar me njërën prej pakëve në procedurë, në atë çast përmbaruesi është i varur nga pala me të cilën ka bërë marrëveshjen”, është shprehur Gashi.
Për më shumë, ndiqeni emisionin “De Jure”, me temën “Sfidat e përmbaruesve privatë”, i cili transmetohet në Tëvë1 dhe “Betimi për Drejtësi”./Tëvë1/
