Një 64-vjeçar ka mbetur i vdekur si pasojë e një aksidenti në Prizren.
Kështu ka bërë të ditur zëdhënësi i policisë për rajonin e Prizrenit, Vesel Gashi, i cili tha se viktima ishte duke e kaluar rrugën me biçikletë në vendkalimin për këmbësorë.
“Rreth orës 17:40 policia ka pranuar një informatë se është goditur një biçiklist në vendkalimin për këmbësorë në rrugën ‘Ekrem Rexha. Nga urgjenca është dërguar në spitalin rajonal dhe pas pak kohësh si pasojë e plagëve, viktima ka ndërruar jetë”, tha Gashi.
Ndërkohë, Gashi bëri të ditur se në lidhje me aksidentin është arrestuar vozitësi i makinës, kurse trupi i pajetë është dërguar në Institutin e Mjekësisë Ligjore./teve1.info/