Kapiteni Cristiano Ronaldo do ta udhëheq Portugalinë në duelin çerekfinal kundër Francës, që zhvillohet të premten prej orës 21:00.
Ronaldo do t’i prijë sulmit të Portugalisë që synon kualifikimin në gjysmëfinale të Kampionatit Evropian.
Po ashtu, Ronaldo kërkon golin e tij të parë në këtë turne duke pasur parasysh se ende nuk ka realizuar nga loja, me përjashtim të penalltisë kur Portugalia e eliminoi Slloveninë në 1/8 e finales.
Si për Portugalinë ashtu edhe për Francën, kjo do të jetë ndeshja më e fortë dhe njëra prej më të rëndësishmeve të turneut që po mbahet në Gjermani.
Ronaldo ka qenë titullar në katër ndeshjet e mëparshme të Evropianit, ku në tri prej tyre ishte i pazëvendësueshëm ndërsa startues është konfirmuar edhe ndaj Francës nga selektori Roberto Martinez.
“Cristiano është kapiteni ynë dhe këtë e ka dëshmuar në secilën ndeshje që e kemi luajtur deri më tani. Kështu që, ai është gati edhe kundër Francës, ndeshje që sigurisht duam ta fitojmë”, është shprehur Martinez.
Për Ronaldon, ky është Evropiani i tij i gjashtë dhe i fundit në karrierën e tij të suksesshme.
